عيون صناعية في الإسكندرية
بنستقبل حالات العين الصناعية في الإسكندرية بمواعيد مسبقة، لأهل الإسكندرية والبحيرة والساحل الشمالي.
بنعمل إيه في الإسكندرية؟
- عين صناعية مصنعة حسب المقاس بعد استئصال أو تفريغ العين، بقياس دقيق للتجويف ورسم يدوي للقزحية والعروق.
- القشرة التعويضية للعين الضامرة أو غير المبصرة، من غير ما العين الأصلية تتشال.
- عيون الأطفال مع متابعة وتغيير المقاس مع النمو.
- التلميع والصيانة وتعديل العين القديمة لو بقت مش مريحة.
إزاي الزيارة بتمشي؟
- الكشف والقياس: بنشوف التجويف وبناخد قياس لشكله الداخلي.
- التشكيل والتجربة: بنجرب النموذج ونعدّل لحد ما وضع العين والجفون يبقى متناسق.
- الرسم باليد: بنرسم القزحية والعروق ولون بياض العين على عينك الطبيعية.
- التركيب والتعليم: بنعلمك تشيلها وتركبها وتنظفها بنفسك، ونحدد مواعيد المتابعة.
لو لسه عامل العملية، العين النهائية غالبًا بتتركب بعد حوالي 6 إلى 8 أسابيع، وطبيبك هو اللي بيحدد التوقيت. مراحل التركيب بالتفصيل.
ابعتلنا اسمك ونوع الحالة على واتساب، ونرد عليك بأقرب موعد.
المكان والمواعيد
المواعيد في الإسكندرية بتتحدد مسبقًا. ابعتلنا على واتساب ونبعتلك العنوان وأقرب يوم متاح.
مناطق قريبة بنخدمها من الإسكندرية
الإسكندرية، البحيرة، دمنهور، كفر الدوار، برج العرب، مطروح. لو إنت من مطروح أو من ليبيا وجاي عن طريق البر، الإسكندرية ممكن تبقى أقرب نقطة ليك. اسألنا ونرتب معاك.
أسئلة عن الحجز في الإسكندرية
هل لازم أحجز قبل ما آجي فرع الإسكندرية؟
أيوه، الحالات في الإسكندرية بتتقابل بمواعيد مسبقة عشان ناخد وقتنا في القياس والرسم. ابعتلنا على واتساب ونحدد معاك اليوم.
تكلفة العين الصناعية في الإسكندرية كام؟
التكلفة بتتحدد بعد الكشف حسب نوع العين (كاملة أو قشرة) وحالة التجويف وسن المريض، وبنقولها لك بوضوح قبل ما نبدأ. إيه اللي بيحدد السعر؟
عندي عين صناعية قديمة معمولة في مكان تاني، تقدروا تلمعوها أو تعدلوها؟
هاتها معاك في الكشف. بنشوف حالتها ونقولك هل تنفع تتلمع أو تتعدل، ولا الأفضل تتغير. إمتى العين محتاجة تغيير؟
بتعملوا عيون للأطفال؟
أيوه، وبنعمل للطفل خطة متابعة وتغيير مقاسات مع النمو. العين الصناعية للأطفال.
قبل وبعد التركيب
- قبل
بعد
حالة 1قبل وبعد تركيب عين صناعية مرسومة لتطابق لون العين الطبيعية - قبل
بعد
حالة 2عين صناعية متناسقة مع العين التانية في اللون والحجم - قبل
بعد
حالة 3طفل قبل وبعد تركيب عين صناعية مصنعة على مقاسه - قبل
بعد
حالة 4طفلة قبل وبعد تركيب العين الصناعية - قبل
بعد
حالة 5قبل وبعد تركيب العين الصناعية - قبل
بعد
حالة 6قبل وبعد تركيب العين الصناعية
عملاؤنا بيتكلموا عن تجربتهم
أنا كنت فاقدة الأمل من سنين ونفسيتي مدمّرة، لحد ما وصلت لحضرتك. وعنيا الحمد لله بقت أحسن أوي. بقالي سنين معاك وعمرك ما تقّلت عليّا في أي حاجة، وبدعيلك في كل صلاة.
Emy Modyمريضة 
شكرًا جدًا على التفاني في العمل والنتايج الجميلة في كل مرة. مش خسارة أبدًا المشوار من ليبيا لمصر. كل مرة برجع وعندي ثقة كبيرة بنفسي، وعمري ما حسّيت بفرق في عيوني وكأنها عين طبيعية.
بشرى آل غيثمن ليبيا 
تسلم إيد حضرتك. إنسان مريح وبتتعامل بضمير. عمري ما قلقت وأنا جاية، وبقالي أكتر من 17 سنة وعمري ما حسّيت إني حاطّة عين صناعية.
Noura Elsayedمريضة من أكتر من 17 سنة 
أنا سعيد جدًا بمعرفة حضرتك. إنسان محترم ومريح في المعاملة. كنت فاقد الأمل نهائيًا في عيني، ودلوقتي مش حاسس إن عندي عين صناعية.
Mohamed Tarekمريض 
مش عارفة أقولك إيه على صبرك وتعاملك مع بنتنا. بقالنا سنين مع حضرتك، وأحسن تعامل. ربنا يفرّح قلبك زي ما بتفرّح الناس كلها.
والدة طفلةمتابعة من سنين
مقتطفات من تعليقات عملائنا على صفحتنا في فيسبوك وصورهم المنشورة هناك.
احجز موعد الكشف والقياس في الإسكندرية
ابعتلنا على واتساب أو اتصل بينا، ونحدد معاك أقرب موعد.